Jump to content


Photo

فالسہ


  • Please log in to reply
No replies to this topic

#1 mahfuzurrehman

mahfuzurrehman

    Active Member

  • Junior Member
  • 593 posts

Posted 10 May 2018 - 12:01 PM

490830_5893017_updates.jpg
 

فالسہ نام لیتے ہی منہ میں پانی بھرآتا ہے اور اس کا کھٹا میٹھا مزیدار ذائقہ منہ میں محسوس ہونے لگتا ہے،گرم موسم کے اس پھل کی افادیت بھی اتنی ہی ہے جتنا اس کا ذائقہ مزیدار ہے۔

طبی اور غذائی فوائد کے حامل فالسےمیں وٹامن اے، بی اور سی موجود ہیں،اس کے علاوہ نشاستہ، لحمیات، فولاد، پوٹاشیم، کیرٹین، آیوڈین اور کیلشیم کے اجزاء موجود ہوتےہیں۔ ایک پاؤ فالسہ سے 80کیلوریزحاصل کی جاسکتی ہیں ۔

 

فالسہ خط استویٰ کے قریب واقع ممالک میں بکثرت پایا جاتا ہے،ہمارے خطے میں دوقسم کے فالسے پائے جاتے ہیں ایک فالسہ شربتی یا دیسی فالسہ کہلاتا ہےاس کا پودا جھاڑی نما 'دو سے چھ فٹ تک ہوتا ہے۔اس کا پھل پکنے پرچاشنی دار میٹھا ہو تا ہے اس میں رس کی مقدار زیادہ موجود ہوتی ہے۔

490830_3939124_updates.jpg
 

دوسری قسم جو ہمارے ہاں پائی جاتی ہے فالسہ شکری یا فارمی فالسہ کہلاتی ہے اس کا درخت شہتوت کے درخت کے سائز کے برابر تقریباً8سے دس فٹ تک ہوتا ہے۔اس کا پھل شروع میں ترش جبکہ پکنے پرمیٹھا ہوتا ہے،اس میں رس کی مقدارنسبتاً دیسی فالسہ کے کم ہوتی ہے۔

فالسے کا استعمال تپ دق میں انتہائی مفید ہے،اس کے مریضوں کو سانس لینے میں دشواری کو دور کرتا ہے، معدہ،جگراور دل کو طاقت دیتا ہے یہ پیاس بجھاتا ہے پیشاب کی جلن کودور کرتا ہے ۔

گرمی کے بخا ر کو دور کرنے میں انتہائی مددگار ہے جبکہ فالسے کا شربت اختلاج القلب ،فرحت بخش اور خفقان یعنی دل کی تیز دھڑکن میں بے حد مفید ہے۔

فالسہ بہترین مصفی خون بھی ہے،اس کا استعمال خون کی جملہ خرابیوں کو دور کرتا ہے،فاسد مادے کو ختم کرتا ہے ،جگر کے افعال کو درست کرتا ہے اور جسم کو صاف خون فراہم کرتا ہے۔خون میں خراب مادوںکے نتیجہ میں بننے والے پھوڑے پھنسیوں کو روکتا ہے۔ خواتین کی مخصوص بیماریوں خصوصی طور پرلیکوریا اور سیلان الرحم میں انتہائی مفید ہے۔

فالسہ شوگر کے مریضوں کیلئے بھی بڑی نعمت ہے اس کے استعمال سے جسم میں شوگر کی مقدار کو کنٹرول کرتا ہے۔فالسے کا شربت پیٹ کے درد میں،اسہال کی کیفیت میں،ہیضہ ،بخار اور ہیٹ اسٹروک میں فائدہ مند ہے۔

فالسہ کا استعمال لاتعداد فوائد کا باعث ہے تاہم اس کا زیادہ استعمال خشکی اور قبض پیدا کر تا ہے۔






0 user(s) are reading this topic

0 members, 0 guests, 0 anonymous users